THE BEST OF CINEMALAYA 2025: (Top row, from left) Elijah Canlas in Raging, JM Ibarra in Child No. 82, Mylene Dizon in Habang Nilalamon ng Hydra and Kasaysayan, and Geraldine Villamin in Republika ng Pipolipinas; (bottom row, from left) Floyd Tena in Padamlagan, Vhong Navarro, Irma Adlawan, and Rochelle Pangilinan in Child No. 82.
Cinemalaya 2025: PEP Troika’s Choice for Best Performances
By PEP Troika
Kaabang-abang ang choices ng mga hurado sa 21st edition ng Cinemalaya indie filmfest.
Ang awards night ay nakatakda sa Oktubre 12, 2025, Linggo, sa Shangri-La Plaza, EDSA cor. Shaw Blvd., Mandaluyong City.
Ang best actor last year ay si Enzo Osorio, na gumanap bilang 12-anyos na deaf-mute na ginahasa ng isang pari sa The Hearing.
Ang location ng movie ay Mauban, Quezon.
TOP CONTENDERS FOR ACTING CATEGORIES
This year, may laban si Elijah Canlas bilang 19-anyos na si Eli na ginahasa ng kaibigang si Arjo (Ron Angeles) sa Raging.
Syinuting ito sa Sibuyan Island sa Romblon.
Elijah Canlas in a scene from Raging
Ang mga posibleng kalaban ni Elijah bilang best actor ay sina Zanjoe Marudo at Jojit Lorenzo ng Habang Nilalamon ng Hydra ang Kasaysayan, Ely Buendia ng Padamlagan, at JM Ibarra ng Child No. 82 (Anak ni Boy Kana).
JM Ibarra in a scene from Child No. 82 (Anak Ni Boy Kana)
Sina Lance Reblando at Kaladkaren aka Jervi Wrightson ng Warla, if ever, saan kaya ika-categorize — best actor o best actress?
Si Kaladkaren ay tinanghal na best supporting actress ng 1st Summer MMFF (2023) para sa pelikulang Here Comes the Groom.
Lance Reblando in Warla
In the same vein, si Reynald Raisel Santos ng Raging, at si Inah Evans ng Child No. 82 (Anak ni Boy Kana), panlaban ba sa best supporting actor o best supporting actress?
Sa 8th Cinemalaya filmfest noong 2012, best actress at best supporting actress ang apat na bida ng Mga Mumunting Lihim na sina Judy Ann Santos, Iza Calzado, Agot Isidro, at Janice de Belen.
Maulit kaya iyon sa apat na bida ng queer movie na Open Endings—sina Janella Salvador, Klea Pineda, Leanne Mamonong, at Jasmine Curtis-Smith?
(From left) Klea Pineda, Janella Salvador, Leanne Mamonong, and Jasmine Curtis-Smith
Pam-best actress din ang pagganap nina Geraldine Villamil sa Republika ng Pipolipinas; Dolly de Leon at Mylene Dizon ng Habang Nilalamon ng Hydra ang Kasaysayan; Nour Hooshmand sa Cinemartyrs; at Rissey Reyes-Robinson ng Paglilitis.
Geraldine Villamil in Republika ng Pipolipinas
Para sa best supporting actress, nagmarka sa aking diwa sina Irma Adlawan, Rochelle Pangilinan, Zairene Fernandez, at Dexter Doria ng Child No. 82 (Anak ni Boy Kana).
Rochelle Pangilinan (left) and Irma Adlawan (right) with JM Ibarra (both photos) in Child No. 82
Andiyan din sina Alessandra de Rossi, Kakki Teodoro, at Claudia Enriquez ng Republika ng Pipolipinas; Jackie Lou Blanco, Barbara Miguel, at Eula Valdes ng Paglilitis; Sue Prado ng Padamlagan; at Raquel Villavicencio at Angel Aquino ng Cinemartyrs.
Jackie Lou Blanco in Paglilitis
Si Sue ang best supporting actress ng Cinemalaya last year para sa Kantil, samantalang si Kakki ang best supporting actress ng 50th MMFF last December para sa Isang Himala.
Para sa kategoryang best supporting actor, andiyan din sina Floyd Tena ng Padamlagan; Vhong Navarro ng Child No. 82 (Anak ni Boy Kana); Cedrick Juan at Lav Diaz ng Cinemartyrs; Jackie Woo ng Warla; at Leo Martinez ng Paglilitis.
Vhong Navarro in Child No. 82
Ang best ensemble para sa akin ay sina Zanjoe, Mylene, Dolly, at Jojit ng Habang Nilalamon ng Hydra ang Kasaysayan.
(Clockwise) Zanjoe Marudo, Jojit Lorenzo, Dolly de Leon, and Mylene Dizon in Habang Nilalamon ng Hydra ang Kasaysayan.
Nasa hurado ang pagpapasya kung silang apat ay pawang lead actor, o ang iba ay suporta.
Halimbawa, puwedeng panlaban sina Mylene at Zanjoe sa lead, samantalang sa supporting sina Dolly at Jojit — and vice versa. O kahit rambulin pa.
Hindi na rin tayo magugulat kung may mga tabla.
Ang mga bet kong magwagi — best actor si JM o Elijah, best actress si Mylene o Geraldine, best supporting actor si Floyd o Vhong, at best supporting actress si Irma o Rochelle.
Wala siyempreng acting citations ang documentary na Bloom Where You Are Planted.
Nag-post si FDCP Chairman Jose Javier Reyes sa Facebook: “Aside from the seven new directorial voices discovered in this year’s CINEMALAYA XXI, four outstanding performances must be celebrated for the superb work they have done in their respective projects.
“Geraldine Villamil (REPUBLIKA NG PIPOLIPINAS), Elijah Canlas (RAGING), Mylene Dizon (HYDRA) and JM Ibarra (CHILD NO. 82).
“These are the noteworthy performances that bring excitement to Philippine cinema!
“Mabuhay ang CINEMALAYA!”
Mabuti at nasa-cite natin ang noteworthy performances.
Kasi, walang nominees-nominees sa Cinemalaya, winners na lang.
Pero agree ako sa list natin, except na naghahabol pa ako ng panonood ng entries.
Ang Top 3 sa takilya ng 21st Cinemalaya ay mapapanood sa last day ng filmfest sa Oktubre 12, Linggo sa partner cinemas.
– NOEL FERRER
CINEMALAYA 2025 JURORS
Ang limang hurado ng Cinemalaya 2025 Main Competition ay sina actor and director Christopher de Leon; internationally acclaimed film director, producer, and screenwriter Pepe Diokno; film critic and journalist Mark Schilling; educator, script consultant, and writer Sophia Wellington; and television and film writer Michiko Yamamoto.
Each juror brings a wealth of experience and insight into the realm of cinema, contributing to a comprehensive assessment of the films presented at the country’s biggest independent film festival.
Exciting ang Cinemalaya awards night sa Linggo, at ang 48th Gawad Urian ng Manunuri sa Sabado naman!